Қазақтың жері Қыдырәлінің тоқалының арқасында сатылмай қалған екен ғой
09.12.2016 17 пікір 3409 қаралды

Қазақтың жері Қыдырәлінің тоқалының арқасында сатылмай қалған екен ғой

«Тоқал алатынымды айту арқылы қазақтың жерін сатқызбадым» деген Қыдырәлі Болмановқа Андерсен атындағы сыйлықты кезексіз беру керек!!!

Белгілі әнші Қыдырәлі Болманов «Время» басылымына сұхбат беріп, әйелі Қарақаттың «Қыдырәліге тоқал алып беремін» дегенді неге айтқанын өзінше түсіндірді. Бұл туралы «Қазақ Үні» ұлттық порталының тілшісі хабарлайды.

Картинки по запросу қыдырәлі болманов

Той-томалақтан қалыс қалмайтын, одан қалса, «Қарақаттай» қуыршағын Қытайдағы мамандарға 2 юаньға жасатып, елге әкеліп отандық өнім ретінде бәленбай мыңнан сататын (елден естуімізше) әншіміз шектен шығып кеткенін байқамай қалған-ау дейміз.

«Мен тоқал туралы әңгімені тегін таратпадым. Бұл мамырдың 19-ы болатын. Ел елең-алаң шақты бастан кешіріп жатты. Мен желтоқсан оқиғасын бастан өткерген адаммын. Сондықтан, жастар алаңға шықса, оларды үшінші жақ пайдаланып кетуі мүмкін екенін білдім. Жағдай қорқынышты еді. Өте ауыр күндерді бастан кешірдім. Қолымнан түк те келмегесін, жылап отырдым. Сосын тоқал туралы ой келді. Қарақатқа «Тоқал туралы жаз» дедім. Ол басында түсінбеді. Оған бәрін ұқтырдым. Менің тоқал алуым туралы бүкіл ел айтты. Сондықтан, жастар алаңға шықпады.», – дейді Болманов.

Өз әнін өзі тыңдап масайрап қалғаннан сау ма екен, әйтеуір, Болмановтың бұл сөзі ел ағаларының көңіліне де, жалпы, өзін осы елдің саналы азаматымын деп есептейтіндерге де жақпады. Жақпайтын жөні де бар.

Кеше ғана жер сатылмауы үшін алаңға шығып, ақыры бірнеше жылға бас бостандығынан айырылған Макс Боқаев пен Талғат Аян секілді, өзге де елім деген ұлтжанды ағалардың ісін көрдік. Оның қасында Болмановтың сандырағы, елдің жер үшін күресеміз дегеніне «дәрет сындырғаны» секілді.

Похожее изображение

Бұған дейін сәләфиттердің «Біз халықты алаңға шығармай, халыққа қарсы болып, Үкіметке көмектестік. Енді билік сәләфизмге неге қарсы шығады?» деп көкігенін көріп едік. Оларын ашықтан-ашық әлеуметтік желідегі парақшаларына жазған еді және. «Андижанда бір әпкем бар, мұнан да өткен сорақы» дегеннің тап өзі болды. Сәләфиттер бір жағынан қиғылықты салған кезде, мына әншіңіз тоқал алып жатырмын деп елді алаңға шығартпай қойыпты ғой.

О заман да, бұл заман, Қыдырәлінің қуаршақтары туралы болмаса, өзі туралы естімегенімізге қанша жыл болды. Қуыршақ дегеннің өзінде де қорқынышты түс көргендей еске аламыз ол ойыншықтарды. Баламызға «Бал-баласын» әпереміз десек, масқара, бағасы қатардағы маманның айлық жалақысымен бірдей. Мұндай қуыршақты Қыдекең қалталы қазақтарға арнап шығарған-ау, өзі де байшыкеш «БОМОНД»-тың қатарында жүруге әуес қой. Әйтпесе, елім деген ер болса алдымен ақшаны емес, халықтың әлеуметтік жағдайын ойласа керек-ті. Жер үшін алынбай қалған тоқалын сөз қылмай-ақ қоялық, түге…

Айтпақшы, шымкенттің «сыра патшасы» Төлешов деген «жер сатылмау үшін бәленбай мың доллар бердім» деп шыққанын естіп едік. Ойда жоқта Төлешов емес, Бөлешов шығып, «түгенбай мың доллар беріп, тоқал туралы айтқыздым» деп жүремесе игі еді. Бұл күнде бәрінен де күдіктенетін боп қалдық.

Танымал журналист Арман Сқабылұлы Фейсбуктегі парақшасында тамаша ой айтты осы турасында:

«Таңға дейін жылап отырып, жұрт жер мəселесі үшін алаңға шығып кетпесін деп «ТОҚАЛ» тақырыбын ойдан құрастырдым. Əлеуметтік желідегі халық соған алданып, алаңға шықпады. » Қыдырəлі Болманов «Время» газетіне берген сұхбатында шамамен осылай көсіліпті. Ойпырмай, Қыдырəлі болмаса қырылып қалғандай екенбіз-ау, ə?..», – дейді Арекең.

Расында да, ел болып Болмановтың тоқалын сөз еткеніміз қалай болғаны. Өзіміз де түсінбей қалдық қой.

Асылы, ендігі біздің билік Ұлттық қауіпсіздік комитеті, Ішкі істер министрлігі секілді құзырлы органдарды ұстамаса да болады екен. Болмановты штаттан тыс «Бал-бала» етіп алса жетіп жатыр. Әлдебір сын сағаттарда әлеуметтік желіге Қыдекеңнің қырық өтірігін өрбітіп жіберсе болғаны. Біз соған иланып, жата береміз.

Әй, бірақ, ендігі Болмановтың тоқалдары бізге қызық болмайды-ау. Келесіде не туралы айтады екен? Қарақат жеңгеміз «Қыдырәліге бір түніне бір тоқалдан сыйладым» деп жүрмесе жарар еді. Құдай бетін ары қылсан…

Алтай Сағидолда,

qazaquni.kz

Previous Айсәуле Бақытбек жігітпен өткізген түні туралы айтып берді
Next Индира Расылхан аты дүркіреп тұрған кезінде көкөніс сатқанын айтып көзіне жас алды

Осыған ұқсас

«Kesh You» тобында өнер көрсететін жаңа есімдер белгілі болғандай

«Kesh You» тобында келесі айдан бастап өнер көрсететін жаңа есімдер белгілі болғандай.  Осыдан бірнеше уақыт бұрын «Kesh You» тобынан Айдананың кететіні туралы жазған болатынбыз. Бұл жөнінде топ продюсері Баян Есентаева

РОЗА ӘЛҚОЖАНЫ ДЕМЕУШІЛЕРІ КОНЦЕРТ АЛДЫНДА “ЛАҚТЫРЫП” КЕТТІ

Әнші Роза Әлқожа Instagram парақшасында жақында болатын концертіне ақша таппай қалғанын, қолдау көрсетуге уәде берген азаматтардың сөзінде тұрмағанын ашына жазды. Роза Әлқожа өзінің ауылдастары Қазақстанда еместігіне де көңілі түскен. Ол

Динара Сәтжан тағы да жалаңаш суретімен елді шулатты

Танымал тележүргізуші Динара Сәтжан тағы да жартылай жалаңаш суретін Инстаграмм желісіне салып, елді шулатты. Бұл туралы juldizdar.kz порталы хабарлайды. Атап өту керек, Сәтжан бұған дейін де бірнеше рет жартылай жалаңаш суреттерін

17 пікір жазылған

    • Адил
      Желтоқсан 10, 17:07 Reply
      Еки сиыры бар уйде аймар.ЕКИ катыны бар уй ойран.кыдекен куып кетти.
    • Луиза
      Желтоқсан 16, 17:07 Reply
      Қарақат, онсыз дада тоқал емес пе?
  1. Қолқоюсыз
    Желтоқсан 09, 14:22 Reply
    Жай тоқал алам деп халықты бирлике шақырады,егер алып жатса онда халықтың гүлден етене шыгар. Ай жарайсың!!!
  2. Дүдәмәл
    Желтоқсан 09, 16:26 Reply
    Қыдырәліні Қазақтың бір азаматы екен деп жүрсем, нағыз ақымақ, есі ауысқан сорлы екен ғой.
  3. Жасик
    Желтоқсан 09, 22:57 Reply
    Қыдырəлі елді акымак деп ойлайтын шыгар.
  4. Елдос
    Желтоқсан 10, 15:12 Reply
    Айтарға сөзім жоқ
  5. Света
    Желтоқсан 10, 15:22 Reply
    Не деп тантиды. Өзінен басқа адамдар ақымақпа не?. Талғат Аяндардан ұялсыншы