Батырхан Шүкеновтің әнін естіген ресейлік зағип қыз қазақ тіліне ғашық болып қалды

Батырхан Шүкеновтің әнін естіген ресейлік зағип қыз қазақ тіліне ғашық болып қалды

Танымал қазақ әншісі Батырхан Шүкеновтің «Отан Ана» әнін тыңдағаннан кейін 18 жастағы мәскеулік Виктория Андреева қазақ тілін үйренуге кірісіп кетіпті.

Батырхан Шүкеновтің әнін естіген ресейлік зағип қыз қазақ тіліне ғашық болып қалды

Зағип жандарға арналған мектеп-интернаттың шәкірті қазақ тілімен бірге мәдениетін, әдет-ғұрыптарын да зерттеп жүр деп жазады «Эврика» басылымына сілтеме жасап Skifnews.kz порталы.

Бойжеткен қыздың айтуынша, ол осыдан бірнеше жыл бұрын әлеуметтік желі арқылы қазақ жастарымен танысқан екен. Олар Викаға Қайрат Нұртастың әндерін тыңдатып, ұнағандарын орысшаға да аударып берген екен.

«Ол әлі бастауы болатын. Ал, Батырхан Шүкеновтің «Отан Ана» әнін тыңдаған кезде менің жан дүниемде тебіреніс пайда болды. Қандай сезімдер тербегенін сөзбен айтып жеткізе алмаймын. Бәлкім мұндай адамнан айрылып қалғанымызға деген өкініш те болған шығар. Ал, ән керемет. Менің ойымша, Батыр бұл әнге өзінің Отанына деген махаббатын қосып орындаған. Ал, әншінің бұл сезімі маған да берілді. Міне, осыдан кейін мен қазақ тілін үйренуге шындап кірістім», – дейді мәскеулік қыз.

Виктория тіл үйрену үшін алдымен soyle.kz порталының қызметін пайдаланған екен. Алайда, сәл уақыттан кейін аталған сайттың зағиптарға арналған функциясы істен шығып қалған. Кейін, «Жас толқын» онлайн-курсымен тіл үйренбек болғанда, ол қызметтің де зағиптарға арналған функциясы пайдалануға қолайсыз болыпты. Алған бетінен қайтпаған бойжеткен әлеуметтік желілер арқылы тіл үйрететін мұғалім іздеп, оны ақыры Ақтөбеден тауып отыр.

Қазір мәскеулік оқушы өзі туралы қазақ тілінде еркін айтып бере алады. Бірақ, оның арманы – қазақ тілінде таза сөйлеп, өлең сөздерін аудару, қазақша фильмдер көру.

«Мен қазақ ертегілерінің кейіпкері Алдар көсені жақсы білемін, Қыз Жібек туралы фильмді көріп шықтым. Әміре Қашаубаев пен Шәмші Қалдаяқовтың әндерін тыңдадым. Қазіргі эстраданы да тыңдап отырамын. Мұқағалидің өлеңдерін оқимын. Маған ұнайды. Мағынасын түсінбеген күннің өзінде ұйқастары, мәнері ұнайды», – дейді Виктория Андреева.

Оның айтуынша, қазақ тілі оның әнге деген махаббатын оятыпты.

«Тек қазақ тілін үйрене бастағаннан кейін менің ән айтуға деген құштарлығым оянды. Алғашында тек тыңдайтынмын. Кейін неге өзіме ән айтпасқа деп шештім. Айтатын әнімді ұзақ таңдап, ақыры таспаға жазып шықтым», – дейді бойжеткен.

Виканың қазіргі арманы – Қазақстанға келіп, қазақтармен қазақша сөйлесу, сүйікті әншілерімен кездесіп, қолтаңба алу. Сондай-ақ, ең алдымен қазақтың ұлттық тағамы еттен ауыз тию дейді ол.

Previous Қайрат Нұртастың анасы келінін жұртқа биыл көктемде таныстырмақ
Next Журналист: "Нысананың" сценарий авторы да, актерлары да Сібірге итжеккенге жіберуге лайық

Осыған ұқсас

Халықтың ашуынан қорыққан NINETY ONE тобы Ақтөбеге концертке бармай қойды

Ақтөбедегі орталық стадионда 30 қыркүйек күні қайырымдылық концертін қоюға тиіс «91» тобы келмей қалды. Топтың жанкүйерлері алған билеттерін өткізе алмай жүр. Кешкілік стадион жанына жиналған жастар билеттің ақшасын қайтарып беруді

Алаяқтарға алданған өнер иелері

Танымал әншілер неге жиі алаяқтардың құрбаны болады? Әнші Толқын Забированың ашуын кім туғызып жүр? Ал әнші Өктем Алтаевтың атын жамылып баспана мен темір тұлпарға қол жеткізген кім? Бұл сұрақтарға 31

Жанғали Жүзбай: Қазақ әнінің азғындаған трагедиясын сезбей жүрміз

Қазақстанның еңбек сіңірген қайраткері, дәулескер күйші Жанғали Жүзбаевпен «Астана ақшамы» газетінің тілшісі сұхбаттасып, осынау өнердің бүгіні мен ертеңі жайлы ой-толғаныстарды ортаға салды. ШЕРТПЕ КҮЙ СЫНЫПТАРЫН АШУ ҚАЖЕТ – Сіздің «Фейсбук»

пікір жазу

Пікір жазылған жоқ

Сіз бірінші болып пікір жаза аласыз!