Қайрат Нұртастың анасы Бибігүл Төлегенованың сынына қатысты жауап берді
03.06.2017 1 пікір 8558 қаралды

Қайрат Нұртастың анасы Бибігүл Төлегенованың сынына қатысты жауап берді

Қайрат Нұртас пен Димаш Құдайберген. Халық артисі Бибигүл Төлегенова қазақтың маңдайына біткен қос әншінің бірін көкке, бірін жерге теңеді. Қайраттың анасы әрі продюсері Гүлзира Айдарбекованың мұндай салыстыруларға еті үйренген, –  деп хабарлайды 31 арна.

Себебі, Қайрат үлкен сахнаға шыққалы бері  оны біреулер танымал әнші Мейрамбек Беспаевқа теңесе, енді біреулер Ернар Айдар мен Төреғали Төреәлимен талай салыстырған.  Күні кеше ғана қазақтың бұлбұлы Бибігүл Төлегенованың сынына ұшыраған Қайраттың анасы жауап берді.

Гүлзира Айдарбекова, Қ.Нұртастың анасы:

– Халық шешеді. Бірақ, «жерге» теңеп жатыр ғой, жер басып өмір сүріп жүрміз. Аса ренжіген жоқпыз. Қайрат Димаш бола алмайды, Димаш Қайрат бола алмайды.

Тіпті, желілерде кейбіреулер Бибигүлдің сынын өздерінің пайдасына асырып жатқандар да бар көрінеді. Белгісіз біреу Қайраттың жары ретінде Жұлдыз Әбдукәрімова деп таныстырып, көпшілікке инстаграм желісі арқылы жауап беріп жүрген сыңайлы. Әншінің суреттерін салып, пікірлер жазып қалдырып жүр. Алайда, Гүлзира Айдарбекова өзінің келінінің мұндай қадамға бармайтынын және еш уақытта инстаграм желісін ашпаған айтып ағынан жарылды.

Гүлзира Айдарбекова, продюсер:

– Жұлдыз мүлдем инстаграм желісін ашпаған.

Әнші, ҚР Еңбек сіңірген артисі Бағдат Сәмидинова Қайрат Нұртасқа танымалдылық, елдің қошаметі, атақ-даңқ та тек еңбектің арқасында келді десе, ал Димашқа зор дауысты Алланың оған берген сыйы деп түсінеді. Тіпті, екеуін салыстырудың өзі ұят деген пікірде.

Бағдат Сәмидинова, ҚР Еңбек сіңірген артисі:

– Салыстырып не ұтамыз.

Бағдат ханым осыдан бірнеше жыл бұрын Димаш ән сайысына қатысқан кезде шоу-бизнесте жүрген өнер адамдарының дұрыс бағаламағанын айтып, тіпті оларды сынап та тастады.

Бағдат Сәмидинова, ҚР Еңбек сіңірген артисі:

– Өздері аннан-мыннан қашқандар жиналып алып, Димашты сынады. Өздері кім екен? Өздерінің еңбегі сіңбеген адамдарды жинап алып, олар дұрыс баға бермеді.

Дегенмен, Димаштың бүгінде елдің сөзіне құлақ асуға шамасы жоқ. Себебі, 27 маусымда Астанада «EXPO-2017» көрмесі аясында өтетін «Бастау» атты жеке концертіне қызу дайындалып жатыр. «Астана арена» алаңына жиналатын көрерменге Димаш тек жаңа әндерін ұсынбақ.

Әлем таныған әншінің концертіне билеттерді әсіресе, шетелдіктер сатып алып жатыр. Олардың арасында Қытай, Германия, Италия, Франция, Малайзия, Жапония, Оңтүстік Корея елдері бар. Билеттердің құны 4 мың теңгеден басталады және олардың 50 пайызы әнсүйер қауымның қолында көрінеді.

«Отырар таланттары». Дәл осындай атаумен халықтың дәстүрлі шығармашылығын дамыта отырып, ел ішіндегі таланттыларды анықтайтын ән фестивалі алтыншы рет өтті. Ән додаға 80-ге жуық өнерпаз қатысты. Қатысушылар 6 номинация бойынша бақ сынады.

Бұл фестиваль әлі де жалғасын табады.

Previous Ұлды болған Айдана Меденованы перзентханадан сән-салтанатпен шығарып алды (фото)
Next Әкесінің тойына әйгілі шетел жұлдыздарын әкелген Сиви бүкіл Алматыны шулатты (фото, видео)

Осыған ұқсас

Димаш Құдайберген Қытайдың ГРЭММИ сыйлығына ие болды (ФОТО, ВИДЕО)

Қазақстандық әнші Димаш Құдайберген China Top music Awards шарасында «Азияның ең танымал әншісі» атанды, – деп хабарлайды Tengrinews.kz. Бұл туралы әншінің PR-директоры әрі досы Алпамыс Шаримов мәлімдеді. Шанхайда өтіп жатқан

ПАВЛОДАРЛЫҚ АҚЫН АСПАНБЕК ШҰҒАТАЕВ — «АЛТЫН ДОМБЫРА» ИЕГЕРІ

Алматыда Республика сарайында екі күн бойы өткен «Тәуелсіздікке тағзым» атты тақырыпта «Алтын домбыра» республикалық ақындар айтысы өз мәресіне жетті. Айтыстың бірінші турында 22 ақын 11 жұп болып айтысқан болатын. Кеше

Димаш Құдайбергеннің «сүйіктісі» қытай қыздарының қызғанышын тудыруда (фото)

Қытай ақпарат құралдары әнші Димаш Құдайбергеннің сүйіктісі  болуы мүмкін бойжеткеннің суретін жария етті деп хабарлайды «ҚазАқпарат» агенттігіне сілтеме жасап NUR.KZ. «Хуанцю шибао» деп аталатын авторитарлы қытай басылымы Димаш Құдайбергеннің жеке

1 пікір жазылды

  1. Қолқоюсыз
    Шілде 16, 15:30 Reply
    Гүлзира Айдарбекова!Сіз өте бақытты əйелсіз. Себебі жолдасыңызбен үш ұл тəрбиелеп отырсыз. Рахмет , сізге отбасын сақтай отырып, перзенттеріңіз үшін жанталасып нағыз Ана деуге лайықсыз. Мен сізге қызығамын!Өнеге тұтарлық қазақ əйелі деп білемін.