Алтынай Жорабаева екінші мәрте тұрмысқа шықпақшы
29.10.2017 1 пікір 6956 қаралды

Алтынай Жорабаева екінші мәрте тұрмысқа шықпақшы

Ажырасқанына екі жылдан асып кеткен Алтынай Жорабаева жақсы жар жолықса, тұрмысқа шығуға қарсы емес екенін 31 арнаның «Айта берсін» бағдарламасына берген сұхбатында айтты. Әншінің айтуынша, екінші мәрте тұрмысқа шығуын оның қыздары мен ата-анасы да қолдап отыр. Сәбитпен үйленгенде ақ көйлек кимедім деген әртіс ендігі тойында қыздарымен ақылдасатынын жеткізді.

«Алдын-ала тон пішпей-ақ қояйын. Енді оны уақыт көрсетеді. «Бақыт — тыныштықты жақсы көреді» дейді. Менің ұстанымым солай, тыныш қана бала-шағам, болашақ жарым кездесіп жатса сонымен бақытты болып жүру. Тұрмысқа шығып жатсақ жариялап айтамыз ғой. Ол міндетті түрде ақ көйлек киіп, үлкен той жасап дегендей емес. Мен бірінші тойымда да ақ көйлек киген жоқпын. Ондай үлкен той болған жоқ, тек қазақша құдалық болды. Мен ол кезде «неге той болмады?» деп сұраған да жоқпын. Ақ көйлек кию жағын төрт қызыммен ақылдасамын. Олар не айтады, сол болады», – дейді әнші.

Әншінің әкесі қызына екінші рет тұрмысқа шығу туралы кеңес беріп, елдің өсегіне қалмауды айтқан. Ал қыздары болса өз кезегінде аналарының бақытты жүзін көргенге қуанбасақ, қызғанбаймыз деп ашып айтыпты.

«Үйде ашуланып, күйзеліске түскен кезде қыздарым айтады ғой.  Бір күн ақылдасып, сөйлесіп отырып: «Егер маған болашақ адам кездесіп, сонымен отбасы құрамыз деп жатсақ қалай қарайсыңдар?» дегенімде, екі үлкен қызым: «Онда тұрған ештеңе жоқ. Сіз әлі жассыз ғой, сіздің бақытты болып жүргеніңіз бізге де жақсы. Егер сізді біреу алақанына салып, мәпелеп жатса неге қуанбасқа?! Біз қызғанбаймыз, керісінше қуанамыз», – деп айтты.

Әкем айтады: «Жақсы жар кездессе, тұрмысқа шығып ал. Әйтпесе, өсек болып кетесің деп. Қасқырдың аузы жесе де қан, жемесе де қан деген.  Жалғыздық – құдайға ғана жарасқан дейді. Сол себепті кез-келген әйел болсын, ер азамат болсын бақытты болуға лайықты деп ойлаймын!»,- деп ағынан жарылды әнші.

Еске салсақ, 2016 жылы Алтынай Жорабаева белгілі актер Сәбит Әбдіхалықовпен ажырасып кеткен. Жұбайлардың бүгінде төрт қызы бар.

Дереккөз: nur.kz

Previous Намыстанған Серік Ибрагимов Ерке Есмаханға жауап қатты (видео)
Next Қайрат Нұртастың әйелі осы күнге дейін бәріне қалай төзіп келгенін жасырмай айтты

Осыған ұқсас

Нұржан Тәжікенов, күйші: «Turkvizyon-2014» байқауынан кейін өмірім өзгере бастады…

Жақында «Turkvizyon-2014» байқауынан Жанар Дұғалова екеуіңіз бас жүлдені ұтып келдіңіздер. Жалпы дайындықтарыңыз қалай болды? Дайындық аса мықты болды деп айта алмаймын. Сөздің шыны керек екі күн қалған кезде ғана дайындалуға

Есін жиған Ернар Айдар тілеуін тілеген жандарға алғыс айтты

Ернар Айдар басына іс түскенде дұға-тілектерін жолдап, қолдау білдірген жұртшылыққа алғыс айтты. Бұл туралы Stan.kz хабарлайды. “Қадірменді дос-бауырлар, оқырман қауым! Маған тілеулес әрі дұғада болған әрбір жанға Алланың нұры жаусын! Сіздердің арқаларыңызда

Депутат ЭКСПО кезінде қонақтарға Димаштың анасы шай құйса дейді

Ақтөбеліктер «ЭКСПО-2017» халықаралық көрмесі кезінде Димаштың туған жеріне қытайлықтар келеді деп жоспарлап отыр. Қазір екі маршурт бекітілді, деп хабарлайды ҚазАқпарат. Ақтөбенің сыртқы байланысы мен туристік маршруты бүгін облыстық мәслихаттың тұрақты

1 пікір жазылды

  1. Қолқоюсыз
    Қазан 29, 13:21 Reply
    Индира шіркін лайфта өзінің мінезін көрсетіп, жұртты өзінен біраз алыстатып алды ғой, өкінішті

Жауап