Құман Тастанбековпен жылап қоштасқан Асанәлі Әшімов жұртты егілтті (ВИДЕО, ФОТО)

Құман Тастанбековпен жылап қоштасқан Асанәлі Әшімов жұртты егілтті (ВИДЕО, ФОТО)

Алматы жұртшылығы “Қыз Жібек” фильмінде Төлеген рөлін сомдаған белгілі әртіс Құман Тастанбековпен қоштасты.

Sputnik / Серикжан Ковланбаев

Бұл туралы Sputnik Қазақстан хабарлады.

Қоштасу рәсімі Құман Тастанбеков жұмыс істеген Әуезов атындағы Қазақ мемлекеттік академиялық драма театрында өтті. Белгілі тұлғамен қоштасуға жүздеген адам жиналды, олардың арасында мәдениет және спорт министрі Арыстанбек Мұхамедиұлы, Алматы әкімі Бауыржан Байбек, сондай-ақ танымал қазақстандық театр және кино әртістері болды.

Арыстанбек Мұхамедиұлы мемлекет басшысының атынан көңіл айту хатын оқыды, Бауыржан Байбек пен актер Асанәлі Әшімов те сөз сөйледі.

Sputnik / Серикжан Ковланбаев

Қаралы хабар 17 желтоқсан күні тарады. Белгілі актер Құман Тастанбеков Ақтауда тұратын туысқандарына қонаққа барғанда қайтыс болған.

Құман Нұрмағанұлы Тастанбеков 1945 жылы 10 наурызда Алматы облысы Сарқант ауданы Екіаша ауылында дүниеге келген. Актер, Қазақстанның халық әртісі (1993 ж.).

Sputnik / Серикжан Ковланбаев

1969 жылы Алматы мемлекеттік өнер институтының (қазіргі Қазақ ұлттық консерваториясы) актерлік факультетін (ұстазы – профессор Х.Бөкеева) бітірген соң, Қазақтың мемлекеттік академиялық драма театрының құрамына қабылданды. Оның алғаш ойнаған рөлі – “Қыз Жібек” фильміндегі Төлеген (1970 ж.). Бұдан кейін “Қыс – мазасыз маусым”, “Ағам менің”, “Ерекше күн”, “Аққулар ұшып келеді”, “Махаббат жаңғырығы”, “Ағама арналған қалыңдық”, “Қараша қаздар қайтқанда”, “Провинциялық хикая”, “Алаң шеті”, “Өрнек”, т.б. фильмдеріне түсті.

Ол театр сахнасында Қасым, Құлбек (Ш.Айтматов, “Ана – Жер-ана” мен “Ақ кемесі”), Әлібек, Нарша, Абыз (М.Әуезов, “Айман – Шолпан”, “Қарагөз” бен “Еңлік – Кебек”), Тәңірберген (Ә.Нұрпейісов, “Қан мен тер”), Жан (О.Бөкеев, “Құлыным менің”, Қазақстан Ленин комсомолы сыйл., 1976), Айдар (Әуезов пен Л.С. Соболев, “Абай”), Маздақ (М.Шаханов, “Сенім патшалығы”), Орест (Л.Дюрко, “Электра, сүйіктім менің”), Флоридор (Ф.Эрве, “Түлкі бикеш”), Фархад (Назым Хикмет, “Фархад – Шырын”) т.б. секілді әр алуан рөлді сомдады.

Sputnik / Серикжан Ковланбаев
Previous Сақал қойып алған "Күлпәш" - Берік Тұрсынбеков елдің сынына ұшырады
Next Алтынай Жорабаеваның ата-анасы алғаш рет қыздарының ажырасуына қатысты пікір білдірді

Осыған ұқсас

Валерий Меладзе: Менің әйелім – қазақ

Астанаға әнсапармен келген Ресей эстрадасының жұлдызы Валерий Меладзені жақыннан көріп, лебізін білдіруге асыққандардың саны тым көп болды. Әнші өзіне ұмтылған нәзік жандылардың ешбіріне де қарсылық білдірмеген. Бұл туралы Экспресс К

Гүлшарат Жұбаева: «Қазақ өнері үшін құрбандыққа бар!» деп ақыл айтқан өнердегі ағаларымның бірде-біреуі араша түспеді

Режиссер болсам, атамекеніне оралған қазақтар туралы  фильм түсірер едім… – Сұхбатымызды қандай сұрақтан бастайын, Гүлшарат? – Маған бәрібір. Қалауыңыз білсін. – Сізді осы уақытқа дейін мезі қылған сұрақ қандай деп

Төсекке таңылған ғашығына 7 жылдан бері қамқорлық көрсетіп жүрген жігіттің махаббаты ғаламторда қызу талқылануда (ФОТО)

Әнел есімді бойжеткен 16 жасында айықпас дертке шалдығып, төсекке таңылған. 7 жыл бойы өмір мен өлімнің арасында жатқан қыздың жанынан сүйіктісі Марлен бір елі ажырамаған. Қос ғашықтың бір-біріне деген адалдығы

пікір жазу

Пікір жазылған жоқ

Сіз бірінші болып пікір жаза аласыз!

Жауап