Ақтөбелік жігіт “Алло” хитінің авторына зорланғанын айтып, сұмдық жайттың бетін ашты

Ақтөбелік жігіт “Алло” хитінің авторына зорланғанын айтып, сұмдық жайттың бетін ашты

28 жастағы Шалқар қаласының тумасы ер адамға зорланғанын айтып, сұмдық жайттың бетін ашты. Ол мінезінің жуас екенін алға тартып, соның салдарынан ер азаматтарға “жемтік” болып келгенін мәлімдеді. Өзін Қыдырбай Сүйінов деп таныстырған азамат “Алло” хитінің авторы, сазгер Құрал Молжановты өзіне зорлық көрсетті деп айыптады.

Қыдырбай Сүйінов бастан өткен хикаясын желідегі “Үшбу хат” парақшасына жолдаған, деп хабарлайды Stan.kz ақпараттық агенттігі.

“Мен ер баламын, 1997 жылы елге көшіп келген оралманмын. Айтайын дегенім, мені 7-сыныпта зорлады. Жарайды, мен өзім жуас, қыз сияқтымын. Мені одан кейін де зорлайтындар көбейді”, – деген жігіт өзіне бірнеше мәрте қол салмақ болғанын да жасырмай айтты.

newtimes.kz-ке берген сұхбатында Қыдырбай Сүйінов белгілі композитор Құрал Молжановты өзіне зорлық көрсетті деп айыптаған.

“Ол кезде Құрал туыстарымен бірге вокзал жанында отын сатумен айналысатын. Алғашқыда екеуміз жақсы араласатынбыз. Екеуміздің жасымыз да шамалас. Бірақ кейін ол пышақпен қоқан-лоққы көрсетіп, мені зорлады. Ақырында онымен үш жыл бойы кездесіп жүруге мәжбүр болдым. Себебі ол мені ұрып-соғып, доқ көрсететін”, – деп еске алады ол.

Ал Құрал Молжановтың өзі аталған жайттың болғанын жоққа шығарды.

“Ондай болған емес. Есімде, бала кезімізде қатарластарым Қыдырбайды ұстап алып, мазақ қылатын. Бірнәрселер айтқызып, тіпті стриптиз билеуге мәжбүрлейтін. Мен өзім намаз оқимын. Дәл қазір осы нәрсені ауызға да ала алмаймын, жаңа ғана жұма намаздан шықтым.

Өзім таңғалып тұрмын. Мүмкін оны әлдебіреулер ұстап алып, сіздерге қоңырау шалуға мәжбүрлеген шығар?! Бұрын ауылда жігіттер солай жасайтын. Бұрын жігіттер оны ұстап алып, көшеде билеткізіп, камераға түсіретін. Мүмкін осы жолы да солай шығар? Маған оның номерін беріңіздер, ақ-қарасын анықтайын. Мына әңгіме мені ашуландырып отыр. Мен, міне үш жылдан бері Алматыда тұратын адаммын”, – деп жауап берді ол.

Previous Жартылай жалаңаш суретке түскен Баянның қызын жұрт тағы сынға алды (ФОТО)
Next Иманбаева: Сәбитпен бірге тұрмағаннан кейін Алтынаймен не үшін араласуым керек

Осыған ұқсас

Мәдина Сәдуақасова ұлды болды

 Сүйінші!!! Қазақстандық әнші, тележүргізуші Мәдина Сәдуақасова ұлды болды! Бұл туралы Мәдинаның құрбысы, әнші Қарақат Әбілдина хабарлады. Ол әлеуметтік желідегі жеке парақшасына: «Сүйінші, достар! Мәдинамыз аман-есен болып, дүниеге ұл әкелді! Құттықтаймыз!»

Казахстанская певица приняла участие в российском шоу «Голос»

Казахстанская певица Диана Шарапова приняла участие в российском музыкальном шоу «Голос». Об этом она рассказала корреспонденту Tengrinews.kz. Отметим, что прежде чем артист допускается до телевизионной версии, так называемого слепого прослушивания,

Динара Қырықбаева қызды болды

Бұл туралы әнші өзінің Instagram парақшасында жария етті. «Бүгін 28 қаңтарда біз Олжас екеуміз ең әдемі қыз баланың  ата-анасы атандық! Мені өмірге әкелген әке-шешеме рақмет! Маған әрқашан қолдау көрсеткен сүйіктіме,

пікір жазу

Пікір жазылған жоқ

Сіз бірінші болып пікір жаза аласыз!

Жауап